Policia sekuestroi nëntë armë gjatë javës së kaluar në rajonin e Prishtinës

16:01 | 29 Janar 2024
E.G

Policia e Kosovës ka njoftuar se gjatë javës së kaluar ka realizuar 197 urdhëresa.

Sipas policisë, prej tyre 20 kanë qenë për vepra penale ndërsa të tjerat për kundërvajtje, seanca, verifikime, shkruan Arbresh.info.

“Konform urdhëresave, pas përfundimit të procedurave policore,personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa.”, thuhet në njoftimin e policisë.

Ndër të tjera, policia bën të ditur se gjatë kësaj kohe janë sekuestruar nëntë armë zjarri, të llojeve dhe kalibrave të ndryshëm, dhjetëra municione të llojeve dhe kalibrave të ndryshëm si dhe tetë armë të ftohta.

“Ndërkaq aktivitetet policore në sferën e sigurisë në trafikun rrugor në po të njëjtën periudhë kohore, kanë rezultuar me shqiptimin e 3390 masave administrative me gjobë për lloje të ndryshme të kundërvajtjeve dhe shkeljeve të kodit rrugor.”, thuhet tutje./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm